يا ما انت غلبان يا مصرى . ليس لك إلا الله ..وبس

على الرغم من أنى لا أحب الحديث عن الحكومة وأفعالها ووجهت تدويناتى نحو كل شيء بعيداً عن أوضاعها فقد طفح الكيل
فلم أكن أتصور أن يكون الشباب المصرى رخيص لهذه الدرجة ليس من دول أخرى فقط بل من مسئوليه
فلم تتحرك الحكومة لإنقاذ الصيادين المخطوفين منذ خمسة أشهر
يااااااااه خمسة أشهر !!!
ما كل هذا الصبر ؟

34 صياداً فى أيدى قراصنة
وعندما فاض كيل أهلهم اعتصموا وتوجهوا إلى مجلس الشعب ليدخلوا للمسئولين
وسمحوا بدخول ممثلين
ليخبرهم المسئولون أن ليس لديهم ميزانية لدفع جزية للقراصنة
هى كام الجزية ؟
5 مليون
كتير بالنسبة للدولة ولا بالنسبة للأشخاص ؟
5مليون على 34 فرد يعنى الواحد ثمنه حوالى 178 ألف
كتير ؟
ما فيش ميزانية .. طب ممكن يتلموا
نادى يستغنى عن ثمن لاعب .. ويبعت الـ5 مليون
مش مهم ياخد الدورى السنة دى فى مقابل إنقاذ أرواح

وكل هذه الفترة وهم محتجزون حتى جاء أمر الله بنصر عزيز
فقط استطاعوا الهرب وقتل اثنان منهم
بل وأسروا 4 صوماليين .... هو ده الإفتره بصحيح
نعم هو نصر صنعه هؤلاء دون تدخل من أى جهة

لهذه الدرجة ليس للمصرى أى قيمة ؟
*****************
ولم أفق من الصدمة إلا وقرأت مصيبة أخرى
هو وصول اليهود إلى قلب الوطن فى «ثياب مرشدين سياحيين ».
شركة سياحية أمريكية تستحوذ على نسبة من السوق المصرية قررت أن تتوقف عن تشغيل المصريين فى مجال الإرشاد السياحى واستوردت عددا كبيرا من اليهود للقيام بهذه المهمة
يا نهار إسود .. اليهود يشرحوا تاريخنا للسياح ؟؟؟؟؟

أحد المرشدين منهم وقف فى مقدمة الأتوبيس السياحى المتجه إلى منطقة الأهرامات
قدم نفسه إلى السياح الأمريكان

وبدأ فى الحديث عن الأهرامات ودورها فى وضع أسس الهندسة الأولى فى العالم،
ولكن من بين ما قاله ( حسب رواية نقلت عن سائق الأتوبيس الذى يجيد الإنجليزية )
«إن التاريخ الحديث لم يحسم بعد الخلاف على أن اليهود هم من شيد الأهرامات.. فالمصريون يغضبون بمجرد فتح الموضوع معهم..لكن التاريخ الحقيقى ستكشفه معاهد البحث فى الآثار المصرية»

حتى تاريخنا مش عارفين نشرحه
أنا خايف يجى اليوم أمشى فى الشارع ألاقى يهود مقبلنى يقولوا انت رايح فين الشارع ده بتاعنا .

أنا عايز أعرف البلد دى فعلاً فيها حكومة ترعى مصالحنا ؟
لو الجواب نعم
ما الدليل ؟؟؟؟؟؟؟

هناك 23 تعليقًا:

Dr Ibrahim يقول...

ربنا يستر

متشوفش أهالى بلد القراصنة وهما كانوا بيلموا الفلوس عشان يجمعوا المبلغ المطلوب حاجة تصعب على القلب ...

ولكن سبحان الله

ربنا ينصر المظلومين..

-------------------------

اليهود بنوا الاهرامات يا حلاوة يا ولاد

وبعد قناة الحياة النصرانية

كل وبد تطلع قناة يهودية لتهويد العالم العربى

ماهى ناقصة والحكومة على رأى المثل

" مسقعة ودانها "!!

أبو العريف يقول...

حسبنا الله ونعم الوكيل

الحكومه رخصتنا

واحنا رخصنا نفسنا

كل حاجه في مصر بقت ممنوعه عن المصريين

ومتاحه لاي حد تاني

حتي لو يهودي

رضا الكومى يقول...

والله يا دكتور إبراهيم

هى كانت ناقصة قناة يهودية

أنا محتار أمنع أطفالى عن إيه ولا إيه

تقبل مودتى

رضا الكومى يقول...

أبو العريف

والله تحس إن إحنا أغراب

المستثمر يشترى زى ما هو عايز دون أى تعقيدات

والغلبان يطحتله كل التعقيدات

كل سنة وأنت طيب

mero90 يقول...

والله الحكومة مرخصة المصرين من زمان بس انتم مش واخدين بالكم يعني المغتربين المصرين في الخارج لما بيقعو في مشكلة لا حياة لمن تنادي السفارة مبتعملش حاجة تقولك حاول تحلها ود وبعدين يجو يقولولنا حطو فلوسك استثمروها في مصر يعني طيب ما احنا لما بنقع في مشكلة مبنلقيش حد جنبنا تعال انت شوف في مصر لو امريكي طلع العصير ناقص سكر يطردو النادل من الفندق حاجة تغم

حلـم،، يقول...

الله غالب

يا اخي الرائع



احيك علي حسك الوطني العالي


استمر

عاشقة الأحزان يقول...

كل سنه وانت طيب

رمضان كريم

احنا شعب مالناش غير ربنا


مودتى

رضا الكومى يقول...

mero90

والله يا ميرو واخدين بالنا

بس دلوقتى خلاص طفح الكيل

مفيش أكتر من كده انحطاط للمصرى

وأهلاً بكِ صديقة عزيزة

رضا الكومى يقول...

حلم

ليس لنا إلا الله

الله غالب فعلاً

رضا الكومى يقول...

عاشقة الأحزان

أنوسة الجميلة إيه أخبارك

كل سنة وأنت طيبة

اقصوصه يقول...

ربنا كبير :)

رمضان كريم

وكل عام وانتم بخير

assafo anaroze يقول...

رمضان كريم و كل عام و انت بالف خير
ربنا يدخل عليك و علينا باليمن و السعادة و الخير و البركات
ربنا يدخل عليك و علينا و احنا في صحة جيدة و عافية
مودتي

رضا الكومى يقول...

assafo

كل سنة وأنت طيب
وأعانك الله على الطاعة

ريمان يقول...

مش عارفه اقولك ايه


بس فعلا مالناش غير ربنا


ربنا اكبر منهم كلهم


حسبى الله ونعم الوكيل

كل سنه وانت طيب

رمضان كريم

nor يقول...

كل سنه و انت طيب
بيسعدني دائما مرورك عندي
و فعلا بحب الاطفال جدا ادعيلي ربنل يرزقني ..شكرا اخي الفاضل
رمضان كريم

رضا الكومى يقول...

ريمان

كل سنة وأنتِ طيبة

يا غالية

رضا الكومى يقول...

نور

أنا أسعد بمرورك والله

وربنا يرزقك إن شاء الله ما تتمنين

حلـم،، يقول...

حلم مر من هنا..

وترك السلام


رمضان كريم


كل سنة وانت طيب يا اطيب رضا في الدنيا


اخوك حلم

يا مراكبي يقول...

أنا مش هأعلق على الخبرين اللي في البوست ده قد ما يهمني إني أعلق على السؤال اللي ختمت بيه البوست .. طبعا ما فيش حكومة بالمعنى المفهوم في مصر .. سيبك من الوزارات والهيئات والموظفين والشكل العام ده كله .. لكن في الحقيقة كل ده ما لوش تأثير .. ما فيش تخطيط ولا رؤية ولا جدول أعمال لأي قطاع .. وعشان كده تحس إن البلد مالهاش صاحب .. أي حد ممكن يعمل أي حاجة .. ما فيش قانون حاكم لأي حاجة

الشعب المصري هو الأرخص على الإطلاق بسبب الحكومة اللي مش عاملاله أي قيمة ولا كرامة .. وبالذات لما بيكون بره مصر .. بينما أي حد بيخش عادي بسهولة وبيعمل اللي هو عايزة .. واحنا على العكس .. بتطلع عينينا عشان نآخد تأشيرة لأي دولة خارجية

Sharm يقول...

كان مرة في واحد عمل بحث عن قيمة المصري عن حكومته
و طلع ان قيمته فردة جزمة و ربع !

رضا الكومى يقول...

يا مراكبى
والله انت لخصت الموقف كله
ويصبح المصرى فى مهب الريح إن استطاع نجا
وإلا فسوف تدهسه الأيام وصعاليك الأرض


أهلاً بيك وورتنى والله
ومتشكر لزيارتك

رضا الكومى يقول...

شارم

والله هم يبكى وهم يضحك

شكراً على الأسعار الجديدة

حلـم،، يقول...

عيد سعيد


وكل سنة وانت طيب


عساك من عوادة